Nagkahiyaan
Kung umaasa ka lang tapos dehado, ang tawag diyan, "asado." Perfect sa'yo ang kanta ng "The Red Strings," ang bandang nabuo sa docu-reality series ng ABS-CBN na "The Next Big Band." At heto ang next big celebration! Nauna nang bumati ng "Happy Birthday" ang "It's Showtime" family sa OPM Showbiz Royalty, Karylle. Hindi in-expect ni Karylle na darating para bumati ang mommy niyang si Zsa Zsa Padilla. Teka, si Divine Diva nga ba 'yun? Ay, si Tetay pala! Ang masisipag at maprinsipyong student-leaders, nag-enjoy sa 'Laro Laro Pick' game arena. Kinilala ng hosts si Shan, ang president ng Student Government. Ang payo niya sa kapwa kabataan, matutong mag-save para sa kinabukasan. Ang sigaw naman ni student-leader Rizza, "Vote wisely!" Kilatisin ang mga kandidato. Ekis sa puro lang porma, dapat 'yung may magandang plataporma! Hindi naman nakaporma si Jhong Hilario kay student-leader Vince, na binasag ang mga jokes niya. Todo cheer naman ang Madlang People para kay Ryan Bang. Ang sigaw nila: RYAN SUPPORT! Sa jackPOT round, si Juan ang pinaboran ng kapalaran. Sa simula'y gusto niyang ilaban ang Pot question na katumbas ng P400,000. Pero dahil sa payo ng kapatid, mas pinili niya ang P45,000 Li-Pot offer. Sa higpit ng mga gastusin, mas 'okay' na nga 'yung sigurado kaysa ma-zero. Napag-usapan ng hosts at ni 'TNT' contender Weljie ang pag-amin sa feelings at pagharap sa rejection, kaya na-open up ni Vhong Navarro ang napagdaanan ni Ryan, na para bang nahiyag ipakilala si hurado Yeng Constantino. Wala mang nabanggit na pangalan, parang gets na ng Madlang People na si Yeng ang tinutukoy ni Vhong na 'gusto' noon ni Ryan dahil minsan na rin namang naging 'open' ang dalawa tungkol sa 'past' nila. Sa performance naman ni Weljie ng John Legend hit na "Wonder Woman," komento ng mga hurado, ang sarap pakinggan nga falsetto. Mula Bontoc, Southern Leyte, itinodo naman ni Angelica ang pagbirit ng Aegis hit na "Luha." Sa huli, ang itinanghal na panalo ang unang kalahok na si Weljie ng Marabut, Samar matapos makakuha ng 92.3% grado. #ShowtimeMarchQuality #ItsShowtimeFullEpisode #ABSCBNEntertainment
